Kraut & Ruabn

Seit 20 Joahr spül´n sie scho und moch´n uns Freid; san lustige Buam, untaholt´n die Leit; senna Musi kummbt aun bei Kloan wie bei Groß. Vo wem red i hiaz grod? - Von da Steirischen Blås. Net leicht gibt’s a Musi, die was ziacht so wia däis; s wurscht, ob Frühschoppen oder a halige Mess. Eich reicht neamd as Wossa, auf eich is Verloss. Net umsunst seid’s beliebt als die Steirische Blås. Auf unsra Wölt gibt’s net leicht wo a Lound, so däis net scho woad’s, ihr seid´s übaroll bekaunnt. Bei oll’m, wos däis tuat’s, find’s as richtige Moß, seid´s grün-weiße Botschofter als die Steirische Blås. Wenn’s eich neama gabat, die Trauer groß warat. Däis tat’s uns so ohgeah, däis spült´s jo so famos. Zur heitig’n Feier, do trink ma a Fass, und bleibt’s BITTE noch laung uns´re Steirische Blås.