Oiwei auf Empfang

Zum Ausgangspunkt für mei nächste „Owei auf Empfang Ansammlung“ führ i Eich über mei Hoamat, den Samerberg, auffi auf 1568 Höhenmeter zum scheenst’n Aussichtsberg in meiner ganzen Umgebung. Es is a Genuss, wenn ma am Gipfel der Hochrieß sitzt und von do aus de traumhafte Gegend bewundern deaf, in de uns da Herrgod hipflanzt hod. Wia i mi so umschau, is mia no was aufg’foin: Östlich vom Gipfelhaus liegt de Bergstation der Hochrießbahn, benetzt von Satellitenschüsseln und Hochleistungsantennen aller Art. Westlich vom Gipfelhaus steht no a Antenne, de mir persönlich um a Vielfaches wertvoller erscheint – des Gipfelkreuz – und wieder wead mir bewusst, i muass „owei auf Empfang” bleib’n.